জামুগুৰিহাটত দখল মুক্ত ভূমি পুনৰ বেদখল কৰিবলৈ আহি আমছু নেতাসহ গ্ৰেপ্তাৰ ৩
- Update Time : Monday, June 29, 2020
- 80 Time View
জামুগুৰিহাটঃ ক’ৰোনাৰ মহামাৰীৰ আতংক আৰু বানৰ তাণ্ডৱ চলি থকাৰ মাজতে চতিয়া সমষ্টিত চৰকাৰী ভূমি বেদখল কৰা বুলি অভিযোগ উত্থাপন হৈছে আমছুৰ বিষয়-ববীয়াৰ বিৰুদ্ধে। প্ৰশাসনৰ দ্বাৰা বেদখলমুক্ত কৰা চৰকাৰী ভূমি পুনৰ বেদখল কৰিবলৈ আহি জামুগুৰি আৰক্ষীৰ হাতত গ্ৰেপ্তাৰ হয় এগৰাকী আমছুৰ বিষয়-ববীয়া সহ তিনিগৰাকী লোক।
চতিয়া সমষ্টিৰ জামুগুৰিহাটৰ জীয়া ভৰলী নৈৰ দাতিত সন্দেহজনক একাংশ লোকে হাজাৰ হাজাৰ বিঘা চৰকাৰী ভূমি বেদখলৰ কৰাৰ পিছতেই শোণিতপুৰ জিলা প্ৰশাসনে সন্দেহজনক লোকসকলৰ বসতি উচ্ছেদ কৰিছিল। কিন্তু এটি দুষ্ট চক্ৰৰ উচটনিত উচ্ছেদিত সন্দেহজনক লোকে প্ৰশাসনৰ অংগুষ্ঠ প্ৰদৰ্শন কৰি পুনৰ চৰকাৰী ভূমি বেদখলৰ চেষ্টা চলাই আহিছে।
চতিয়াৰ বিধায়ক পদ্ম হাজৰিকাই জিলা প্ৰশাসনে বেদখলৰৰ পৰা মুক্ত কৰা চৰকাৰী ভূমি পুনৰ বেদখলৰ চেষ্টা চলোৱাসকলৰ লগতে উচটনি দিয়াসকলৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি সকিয়াই দিয়ে৷
