জলসম্পদ বিভাগে নিৰ্মাণ নকৰিলে মথাউৰি, নগৰবেৰাৰ ৰঙেশ্বৰীত হাহাকাৰ
- Update Time : Wednesday, July 15, 2020
- 171 Time View
নগৰবেৰাঃ কামৰূপ জিলাৰ নগৰবেৰা এলেকাত বানৰ তাণ্ডৱ অব্যাহত আছে৷ ব্ৰহ্মপুত্ৰ আৰু উপ-নৈৰ পানী সোমাই নগৰবেৰাৰ বিভিন্ন এলেকা ডুবাই পেলোৱাত ৰাইজৰ দুৰ্গতিৰ সীমা নোহোৱা হৈছে৷ ঘৰ-বৰ পানীৰ তলত থকাত খাদ্য, বস্ত্ৰ, পশুৰ খাদ্যৰ অভাৱত পৰিছে কেইবা শ ৰাইজ৷
নগৰবেৰাৰ ৰঙেশ্বৰীৰ লগতে কেইবাঠাইত মথাউৰি ছিগি যোৱাৰ ফলত নগৰবেৰা এলেকা প্লাৱিত হৈ পৰে৷ জলমগ্ন নগৰবেৰাত ব্যাহত হৈ পৰিছে যাতায়ত ব্যৱস্থা। মথাউৰি ছিঙি নিয়াৰ লগে লগে অঞ্চলটোৰ কৃষিজীৱি লোকৰ ঘৰত পানী সোমোৱাৰ ফলত উৎপাদিত কৃষি সামগ্ৰী আৰু পশুধনক লৈ হাহাকাৰ লাগিছে। ৰাজ্যৰ বিয়াগোম জলসম্পদ বিভাগে সময় মতে মথাউৰি নিৰ্মাণ নকৰাৰ ফলত মথাউৰি ছিগি নিয়া বুলি ৰাইজে অভিযোগ উত্থাপন কৰিছে৷
বিগত বছৰত পানীয়ে মথাউৰিটো ছিঙি নিছিল যদিও জলসম্পদ বিভাগে মথাউৰিটো মেৰামতি কিম্বা পুনৰ নিৰ্মাণৰ ব্যৱস্থা কৰা নাছিল। যাৰ ফলত পুনৰ মথাউৰি ছিঙি এক অবৰ্ণনীয় পৰিস্থিতিৰ সৃষ্টি হৈছে নগৰবেৰাৰ ৰঙেশ্বৰী এলেকাত।
