ডিজিটেল ডেস্কঃ দেশৰ প্ৰাক্তন বিত্ত সচিব ৰাজীৱ কুমাৰক দেশৰ নিৰ্বাচনী আয়ুক্ত ৰূপে নিয়োগ কৰিছে ৰাষ্ট্ৰপতিয়ে৷ সদ্য পদত্যাগী নিৰ্বাচনী আয়ুক্ত আশোক লবাসাৰ ঠাইত নিৰ্বাচনী আয়ুক্ত ৰূপে কাৰ্যভাৰ গ্ৰহণ কৰিব কুমাৰে৷ বিধি মন্ত্ৰালয়ে শুকুৰবাৰে নিশা এক অধিসূচনা যোগে ৰাজীৱ কুমাৰক নতুন নিৰ্বাচনী আয়ুক্ত ৰূপে ৰাষ্ট্ৰপতিয়ে মঞ্জুৰি দিয়াৰ কথা ৰাজহুৱা কৰে৷

অধিসূচনা যোগে ৰাষ্ট্ৰপতি ৰাম নাথ কোৱিন্দে ৰাষ্ট্ৰপতি ৰূপে কাৰ্যভাৰ গ্ৰহণৰ দিন আৰু নিয়ুক্তি সন্দৰ্ভত মঞ্জুৰি প্ৰদান কৰিছে বুলি কয়৷ ৩১ আগষ্টৰ পৰা নিৰ্বাচনী আয়ুক্ত ৰূপে পদবীত কাৰ্যভাৰ চম্ভালিব অশোক লবাসাই৷ আনহাতে অশোক লবাসাই এছিয়ান বেংকৰ উপা-ধ্যক্ষ ৰূপে নিয়ুক্তি লাভ কৰিছে৷

বিধি মন্ত্ৰালয়ে নতুন অধিসূচনাত কয় যে ৰাষ্ট্ৰপতি ৰামনাথে কোৱিন্দে নিৰ্বাচনী আয়ুক্ত ৰূপে ৰাজীৱ কুমাৰক মঞ্জুৰি দিছে৷ কাৰ্যভাৰ গ্ৰহণ কৰাৰ দিনৰ পৰা উক্ত পদ ৰাজীৱ কুমাৰে পৰিচালনা কৰিব৷ ৩১ আগষ্টৰ পৰা অশোক লবসাৰ পদত্যাগ কাৰ্যকৰী হ’ব৷ সুনিল আৰোৰা দেশৰ মুখ্য নিৰ্বাচনী আয়ুক্ত৷ পূৰ্বে নিৰ্বাচনী আয়ুক্ত ৰূপে অশোক লবাসাৰ লগতে সুশীল চন্দ্ৰা আছিল৷ ১০ দিন পিছত ৰাজীৱ কুমাৰ দেশৰ নিৰ্বাচনী আয়োগৰ গুৰুত্বপূৰ্ণ পদবীত অধিষ্ঠিত হ’ব৷

ৰাজীৱ কুমাৰ ১৯৮৪ বেঞ্চৰ ভাৰতীয় প্ৰশাসনিক সেৱাৰ বিষয়া৷ ৰাজীৱ কুমাৰ বিভিন্ন প্ৰশাসনিক ক্ষেত্ৰত বিগত ৩০ বছৰ ধৰি কাম কৰি আছে৷ বিগত বছৰৰ জুলাই মাহত ৰাজীৱ কুমাৰ বিত্ত বিভাগৰ সচিব নিয়ুক্তি কৰা হৈছিল৷ এই বছৰৰ ফেব্ৰুৱাৰী মাহতে ৰাজীৱ কুমাৰৰ কাৰ্যকাল সমাপ্ত হৈছিল যদিও কাৰ্যকাল চলাই গৈছিল৷ প্ৰধানমন্ত্ৰী নৰেন্দ্ৰ মোদীৰ বিত্তীয় যোজনা সমূহত ৰাজীৱ কুমাৰৰ হাত থকা বুলি চৰ্চা হয়৷ প্ৰধানমন্ত্ৰী জন-ধন যোজনা, মুদ্ৰা ঋণ যোজনাত ৰাজীৱ কুমাৰৰ চিন্তা জড়িত আছে বুলি কোৱা হয়৷ ২০২৫ বৰ্ষলৈকে ৰাজীৱ কুমাৰ নিৰ্বাচনী আয়ুক্ত পদত বাহাল থাকিব৷ ৰাজীৱ কুমাৰে অহা ২০২৪ লোকসভা নিৰ্বাচন পৰ্যন্ত পদত বাহাল থাকিব৷