আজি তাই-আহোম জনগোষ্ঠীৰ বৃহৎ সংখ্যক লোকে দেশৰ ৰাজধানী দিল্লীৰ যন্তৰ-মন্তৰত প্ৰতিবাদ সাব্যস্ত কৰে৷ জনজাতিকৰণৰ দাবীত কেন্দ্ৰীয় চৰকাৰৰ বিৰুদ্ধে তীব্ৰ প্ৰতিবাদ সাব্যস্ত কৰে। তিনিঘণ্টীয়া প্ৰতিবাদ সাব্যস্ত কৰে৷ পৰম্পৰাগত বস্ত্ৰ পৰিধান কৰি কমেও দুই শতাধিক লোকে প্ৰতিবাদ জনাই৷ বিভিন্ন শ্ল’গানেৰে চৰকাৰৰ বিৰোধ কৰি শীঘ্ৰে জনজাতিকৰণ কৰাৰ দাবী জনাই৷ যন্তৰ মন্তৰত তাই-আহোম যুৱ পৰিষদ চমুকৈ টাইপাৰ উদ্যোগত প্ৰতিবাদ সাব্যস্ত কৰে। জনজাতিকৰণৰ দাবীত পুনৰ নিৰৱচ্ছিন্ন আন্দোলন কৰিবলৈ সাজু হৈছে তাই-আহোম জনগোষ্ঠী৷ তাই-আহোম জনগোষ্ঠীক জনজাতিকৰণ প্ৰদান, তাই আহোম স্বায়ত্ত শাসিত পৰিষদ গঠনৰ দাবীত তাই-আহোম যুৱ পৰিষদ চমুকৈ টাইপাই দিল্লীৰ যন্তৰ-মন্তৰত তিনিঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰে। প্ৰায় ডেৰ শতাধিক টাইপাৰ কৰ্মীৰ ইতিমধ্যে ৰেলযোগে দিল্লীত উপস্থিত হয়৷ জনগোষ্ঠীয় সংগঠনটোৱে প্ৰায় তিনিটা দশক ধৰি আন্দোলন কৰি আহিছে যদিও বিভিন্ন ৰাজনৈতিক দলে প্ৰতিশ্ৰুতি প্ৰদান কৰি প্ৰতিশ্ৰুতি পালন কৰা নাই৷ ২০১৪, ২০১৯ৰ লোকসভা নিৰ্বাচন ২০১৬, ২০২১ৰ বিধানসভা নিৰ্বাচনত শাসকীয় দল বিজেপিয়ে তাই-আহোমসকলক জনজাতিকৰণৰ মৰ্যাদা প্ৰদানৰ প্ৰতিশ্ৰুতি প্ৰদান কৰিছিল যদিও প্ৰতিশ্ৰুতি পালন কৰা নাই৷