গৰু পুহি গাখীৰ উৎপাদনৰ জৰিয়তে স্বাৱলম্বীতাৰ পথ দেখুৱাইছে মুৰফুলনীৰ যুৱকে
- Update Time : Tuesday, August 25, 2020
- 384 Time View
মুৰফুলনীঃ দেশৰ লগতে অসমতো এতিয়া ভয়াবহভাৱে বৃদ্ধি পাইছে নিবনুৱা সমস্যা। কোভিড স্থিতিৰ পৰিপ্ৰেক্ষিতত ৰাজ্যৰ বহু যুৱক-যুৱতী বহিঃৰাজ্যৰ পৰা ঘৰলৈ উভতিবলগীয়া হৈছে। এটা সংস্থাপনৰ সন্ধানত এতিয়া হাহাকাৰ কৰিবলগীয়া হৈছে শিক্ষিত যুৱক-যুৱতীসকলে। তেনে সময়তে গোলাঘাট জিলাৰ মুৰফুলনীৰ এজন শিক্ষিত যুৱকে দেখুৱাইছে স্বাৱলম্বীতাৰ উৎকৃষ্ট নিদৰ্শন।
গোলাঘাট জিলাৰ মৰঙী মৌজাৰ মুৰফুলনী বাগান গাঁৱৰ নিবাসী ৰণ্টু বৰঠাকুৰে শিক্ষিত হৈও এতিয়া চাকৰিৰ বাবে নুঘূৰি ঘৰতে উপাৰ্জনৰ পথ উলিয়াই লৈছে। সৰুতেই পিতৃহীন হোৱা ৰণ্টুৱে প্ৰথমে দুজনী গাইৰে দুগ্ধ ফাৰ্মৰ আৰম্ভ কৰিছিল। এতিয়া ৮ জনী গাই গৰুৰ পৰা ৰণ্টুৱে দিনে ৫০ লিটাৰকৈ গাখীৰ পায়। সেই গাখীৰ ৰণ্টুৱে বিক্ৰী কৰি এতিয়া অঞ্চলটোৰ ভিতৰতে এজন আত্মনিৰ্ভশীল যুৱকৰূপে পৰিচিত হৈছে।
চৰকাৰৰ পৰা কোনো সহায় লাভ নকৰাকৈয়ে স্ব নিৰ্ভৰশীল হোৱাৰ আগ্ৰহ সন্মুখত ৰাখি ৰণ্টু বৰঠাকুৰে এদিন আৰম্ভ কৰিছিল দুগ্ধ ফাৰ্মৰ। বৰ্তমান সময়ত ৰণ্টু আন ১০ জন নিবনুৱা যুৱকৰ বাবে আদৰ্শ হৈ পৰিছে।
