গোলাঘাটঃ গোলাঘাট জিলাৰ সদৰত হাহাকাৰ লাগিছে৷ হাহাকাৰ লগাইছে ক’ৰোনা ভাইৰাছে৷ ইজনৰ পিছত সিজন চৰকাৰী কৰ্মচাৰীৰ দেহত ভাইৰাছ সংক্ৰমণ হোৱাত প্ৰশাসনে সকলো কাৰ্যালয় বন্ধ কৰিবলৈ বাধ্য হৈছে৷

ইতিমধ্যে লাইফ লাইন চিকিৎসালয়ৰ পৰিচালক জয়ন্ত সিনহাৰ সংস্পৰ্শলৈ অহা ১৯গৰাকী লোক কোৱিড-১৯ আক্ৰান্ত হোৱাৰ পিছতে হাহাকাৰ পৰিস্থিতি গোলাঘাট সদৰত। ১৯গৰাকী লোক পজিটিভ হোৱাৰ পিছতে গোলাঘাট উপায়ুক্ত কাৰ্যালয়, চক্ৰ বিষয়া কাৰ্যালয়, বাৰ এ’ছচিয়েছন, স্কুল উপ-পৰিদৰ্শকৰ কাৰ্যালয় সৈতে উপায়ুক্ত কাৰ্যালয় সমীপৰ ৫০ মিটাৰ অঞ্চল কণ্টেইনমেন্ট জ’ন ঘোষণা গোলাঘাট কৰিছে জিলা প্ৰশাসনে।

আক্ৰান্ত ২০জনৰ ভিতৰত গোলাঘাট বাৰ এছচিয়েছনৰ অধিবক্তা, উপায়ুক্তৰ কাৰ্যালয় সমীপৰ বাসিন্দা হোৱাৰ ফলত কাৰ্যালয়সমুহ কন্টেইনমেন্ট জ’ন ঘোষণা কৰে প্ৰশাসনে।

গোলাঘাট উপায়ুক্ত কাৰ্যালয়, চক্ৰ বিষয়াৰ কাৰ্যালয়ৰ অধিক কৰ্মচাৰী সংস্পৰ্শলৈ অহাৰ সন্দেহ প্ৰশাসনৰ। পৰৱৰ্তী প্ৰশাসন নিৰ্দেশ নিদিয়া পৰ্যন্ত কাৰ্যালয় কন্টেইনমেন্ট জ’ন হৈ থাকিব। গোলাঘাটৰ উপায়ুক্ত কাৰ্যালয়ৰ নজৰৎ, ডিডিএমএ, মেজিষ্ট্ৰেচী শাখা খোলা থাকিব।