গুৱাহাটীত শ্ৰমিক ৰূপে কাম কৰা গোৱালপাৰাৰ লক্ষীপুৰৰ হাচেম হক ডেৰ মাহ ধৰি নিৰুদ্দেশ
- Update Time : Wednesday, March 23, 2022
- 96 Time View
লক্ষীপুৰঃ গোৱালপাৰা জিলাৰ লক্ষীপুৰ কাণ্টাপুৰ গাঁৱৰ হাচেম হক নামৰ ২২ বছৰীয়া যুৱকজন বিগত প্ৰায় ডেৰমাহ ধৰি নিৰুদ্দেশ হৈ থকাত চাঞ্চল্যৰ সৃষ্টি হৈছে। ২২ বছৰীয়া পুত্ৰ হাচেম হক ১২ জানুৱাৰীত গুৱাহাটীত ৰাজমিস্ত্ৰীৰ কাম কৰিবলৈ গৈছিল। যোৱা ৪ ফেব্ৰুৱাৰীত হাচেম হকে ২৩ দিন হাজিৰা কৰি ঘৰলৈ ৰাওনা হয়। সন্ধিয়া ৭ বজাত দুধনৈ পোৱা বুলি হাচেম হকে পত্নীক অৱগত কৰিছিল। সেইটোৱেই আছিল শেষ ফোন। তাৰ পিছৰ পৰা হাচেম হকৰ মোবাইল বন্ধ আছে। পৰিয়ালৰ লোকে বহুত বিচাৰ-খোচাৰ কৰে যদিও শুংসূত্ৰ নাপালে। তাৰ এদিন পিছত হাচেম হকৰ পিতৃ চাইদুল হকে পুত্ৰৰ নিখোজ সংক্ৰান্তিয় এজাহাৰ দাখিল কৰে লক্ষীপুৰ আৰক্ষী থানাত। আজি ডেৰ মাহ পিছতো হাচেম হকৰ শুংসূত্ৰ উলিওৱাত সম্পূৰ্ণ ৰূপে ব্যাৰ্থ হৈছে গোৱালপাৰা আৰক্ষী। হাচেম হকৰ আছে এটি কণমাণি সন্তান, পত্নী, মা-দেউতা আৰু পৰিয়ালৰ আন আন সদস্য। হাচেমৰ পত্নী জবেদা খাতুন আৰু পিতৃ চাইদুল হকে আৰক্ষীক পদক্ষেপ গ্ৰহণ কৰি হাচেম হকক উদ্ধাৰৰ বাবে আবেদন জনায়।
