আশা কৰ্মীৰ এজাহাৰৰ ভিত্তিত ৰাকেশ গুপ্তাক গ্ৰেপ্তাৰ আৰক্ষী

ৰাজৈ ১০ নং আৰু ৮ নং ৱাডৰ এগৰাকী আশাকৰ্মীক ৰাকেশ গুপ্তা নামৰ লোকজনে ঘৰৰ পৰা উঠাই নিয়া ভাবুকি প্ৰদানৰ পিছত অঞ্চলটোত তীব্ৰ প্ৰতিক্ৰিয়া সৃষ্টি হৈছিল। প্ৰাপ্ত তথ্য মতে, ৰাজেশ গুপ্তা নামৰ লোকজনে নগাঁৱৰ এজন লোকক কোৱাৰেইণ্টাইন কেম্পৰ পৰা ৰাজৈত থকা নিজা ঘৰলৈ আনিছিল। সেই সময়ত আশাকর্মী নিকু হাজৰিকা আৰু স্থানীয় ৱাৰ্ড সদস্য কমিটীৰ বিষয়ববীয়াসকল গুপ্তাৰ ঘৰত উপস্থিত হয়। ইয়াৰ পিছত আশাকর্মীগৰাকীক নানা অশ্লীল বাক্য প্ৰয়োগ কৰি খেদি পঠায়। ইমানতো ক্ষান্ত নাথাকি আশাকর্মীগৰাকী ঘৰত গুপ্তা উপস্থিত হৈ গাড়ীত উঠাই নিয়াৰ ভাবুকি প্ৰদান কৰে। এই ঘটনা সংক্ৰান্তত আশা কর্মী নিকু হাজৰিকাই লাহদৈগড় আৰক্ষী চকীত এজাহাৰ দাখিল কৰিছিল৷ আৰক্ষীয়ে ইতিমধ্যে গোচৰ ৰুজু (333/2020 IPC 294/506) কৰিছিল৷ আজি যুৱকজনক পুৱা আৰক্ষীয়ে গ্ৰেপ্তাৰ কৰে৷ যি সময়ত চিকিৎসা কর্মীসকলে দিনে নিশাই কৰ’না ৰোগীৰ লগত দায়িত্ব পালন কৰিছে তেনে সময়ত এনেদৰে চিকিৎসা কর্মী দু-ব্যৱহাৰ পোৱাত যোৰহাট জিলা আশাকৰ্মী সন্থাই লাহদৈগড় আৰক্ষী চকীত শতাধিক আশাকৰ্মী উপস্থিত হৈ পৃথকে এজাহাৰ দাখিল কৰে আৰু দোষীক উচিত তদন্ত কৰি শাস্তিমূলক ব্যৱস্থা গ্ৰহণ কৰিবলৈ দাবী জনায়৷