January 30, 2023, 7:38 pm
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি বেবেজীয়াত প্ৰাকৃতিক পৰিবেশত ‘ৰ’দঘাই বেবেজীয়া’ৰ নাট মহোৎসৱৰ সফল সামৰণি আদানি-কাণ্ডৰ ফলত ক্ষতিগ্ৰস্ত ৰাজহুৱা খণ্ডৰ বেংক-বিত্তীয় প্ৰতিষ্ঠানত বিনিয়োগ কৰা অসমৰ লোকৰ ধন কিমান নিৰাপদ? বিবিচিৰ ডকুমেণ্টৰী নিষিদ্ধ সন্দৰ্ভত ৬ ফেব্ৰুৱাৰীত শুনানি গ্ৰহণ কৰিব উচ্চতম ন্যায়ালয়ে জনসংখ্যা নিয়ন্ত্ৰণ আইন প্ৰৱৰ্তন নকৰিলে ৫০ বছৰৰ পিছত সুৰক্ষিত নাথাকিব ৰাম মন্দিৰ আদানিক চেলেঞ্জঃ তথ্যসহকাৰে নাকচ কৰক হিণ্ডেনবাৰ্গৰ অভিযোগ ‘পাঠান’ অপসংস্কৃতি, অপসংস্কৃতিক প্ৰাধান্য দিয়া সকলে ‘পাঠান’ চাইছেঃ ভৱেশ কলিতা ওড়িশাৰ স্বাস্থ্যমন্ত্ৰীলৈ আৰক্ষীৰ গুলী বাঢ়িয়েই আছেঃ ফেব্ৰুৱাৰীৰ পৰা আকৌ বাঢ়িব বিদ্যুৎ মাচুল ৩৭ খন পতাকা উত্তোলনেৰে আৰম্ভ হ’ল সদৌ অসম গ্ৰাম্য পুথিভঁৰাল সন্থাৰ ৰাজ্যিক অধিবেশন কটন বিশ্ববিদ্যালয়ত ড০ সূৰ্য কুমাৰ ভূঞাৰ জন্মদিৱস উদযাপন

কোকৰাঝাৰত ভয়ংকৰ ঘটনা, আৰক্ষীৰ সন্মুখতে ধৰ্ষণৰ অভিযুক্তক ক্ষুব্ধ লোকৰ গণপ্ৰহাৰ

Reporter Name
  • Update Time : Monday, June 20, 2022
  • 37 Time View

কোকৰাঝাৰঃ কোকৰাঝাৰ জিলাৰ ছালাকাটি থানাৰ অন্তৰ্গত পুঠিয়াগাঁৱৰ নিকটৰ বাৰাগড়ত এক ভয়ংকৰ ঘটনা সংঘটিত হৈছে। ধৰ্ষণৰ গোচৰত অভিযুক্ত বাহাৰুল মণ্ডল ওৰফে হলৈ(৪২)ক ক্ষুব্ধ লোকে প্ৰচণ্ডভাৱে মাৰপিট কৰি মটৰচাইকেলৰ মাজত বহুৱাই ‘জয় শ্ৰী ৰাম’ ধ্বনিৰে সমদল কৰি নিয়ে।
প্ৰাপ্ত বাতৰি মতে, যোৱা নিশাৰ ভাগত চিৰাং জিলাৰ বাসুগাঁও থানাৰ অন্তৰ্গত ভূটীয়াপাৰা-নয়টামাৰাত বাহাৰুল মণ্ডল ওৰফে হলৈ(৪২)য়ে এগৰাকী তিনি সন্তানৰ মাতৃক পিষ্টল দেখুৱাই ধৰ্ষণ কৰা বুলি অভিযোগ উত্থাপিত হৈছিল। ভুক্তভোগী মহিলাগৰাকীয়ে চিৰাং জিলাৰ বাসুগাঁও থানাত এজাহাৰ দাখিল কৰিছিল যদিও চিৰাং আৰক্ষীয়ে ফলপ্ৰসূ কাৰ্য ব্যৱস্থা হাতত লোৱা নাছিল বুলি অভিযোগ উত্থাপিত হৈছিল আৰু তেনে এক মুহূৰ্ততে বাহাৰুল মণ্ডল ওৰফে হলৈ(৪২) পলাই সাৰে।

 

ইফালে, ধৰ্ষণকাণ্ড সংঘটিত কৰি পলাই থকা বাহাৰুল মণ্ডলে আজি আবেলিৰ ভাগত বাছেৰে পলায়ন কৰি থকাৰ সময়তে একাংশ লোকৰ দৃষ্টিগোচৰ হয়। মুহূৰ্ততে খবৰটো ইকাণ-সিকাণ কৰি ৰাষ্ট্ৰ হৈ পৰে আৰু চিৰাং জিলাৰ বাসুগাঁও এলেকাৰ পৰা বহুসংখ্যক লোকে বাহাৰুলক অনুসৰণ কৰে। অৱশেষত কোকৰাঝাৰ জিলাৰ ছালাকাটিৰ পুঠিয়াগাঁৱৰ নিকটৰ বাৰাগড়ত প্ৰায় অৰ্ধ শতাধিক ক্ষুব্ধ অনুসৰণকাৰীয়ে বাহাৰুল মণ্ডলক কৰায়ত্ত কৰি প্ৰচণ্ড মাৰপিট আৰম্ভ কৰে। এগৰাকী অচিনাক্ত লোকক একাংশই প্ৰচণ্ড মাৰপিট কৰা দেখি বাৰাগড়ৰ স্থানীয় লোকে ঘটনা সন্দৰ্ভত আৰক্ষীক অৱগত কৰে। ছালাকাটি আৰক্ষীয়ে ঘটনা সন্দৰ্ভত অৱগত হৈ তৰিৎগতিৰে বাৰাগড়লৈ ৰাওনা হয় যদিও ইতিমধ্যে দুষ্কৃতিকাৰীৰ বিশাল দলটোৱে গণপ্ৰহাৰৰ ফলত ৰক্তৰঞ্জিত হোৱা বাহাৰুল মণ্ডলক হাতত বান্ধি লৈ হিন্দী চিনেমাৰ ষ্টাইলত মটৰচাইকেলৰ মাজত বহুৱাই জয় শ্ৰী ৰাম ধ্বনিৰে সমদল কৰি চিৰাং জিলাৰ বাসুগাঁও অভিমুখে ধাবিত হয়। পৰিস্থিতি অতি ভয়ানক হৈ পৰাত চিৰাং জিলাৰ বাসুগাঁৱৰ পৰা অহা আৰক্ষীৰ এটি দলে সমদলটোক দলগাঁৱত সন্মুখৰ পৰা আগভেটি ধৰে আৰু কোনোমতে সমদলকাৰীৰ পৰা বাহাৰুল মণ্ডলক অতি মুমুৰ্ষু অৱস্থাত উদ্ধাৰ কৰিবলৈ সক্ষম হয়। ক্ষুব্ধ লোকৰ দলটোৱে আৰক্ষীৰ সন্মুখতো বাহাৰুল মণ্ডলক মাৰপিট কৰে। অতি মুমুৰ্ষু অৱস্থাত আৰক্ষীয়ে বাহাৰুল মণ্ডলক উদ্ধাৰ কৰি কাজলগাঁৱৰ জেএচবি অসামৰিক চিকিৎসালয়লৈ প্ৰেৰণ কৰে। আৰক্ষীৰ সন্মুখতে উন্মত্ত লোকে নিজেই আইন হাতত তুলি লৈ অভিযুক্তক গণপ্ৰহাৰেৰে মুমুৰ্ষু অৱস্থালৈ নিয়াৰ পিছত আকৌ হাত বান্ধি মটৰচাইকেলত উঠাই লৈ সমদল কৰি বন্য উল্লাহ প্ৰদৰ্শন কৰিবলৈ সুযোগ পোৱা কাৰ্যই আইন-শৃংখলাৰ অৱনতি ঘটা বুলি প্ৰশ্ন উত্থাপিত হৈছে। ঘটনা সন্দৰ্ভত আৰক্ষীয়ে এতিয়ালৈ কাকো গ্ৰেপ্তাৰ কৰা নাই আৰু উক্ত ঘটনাটোৱে ব্যাপক চাঞ্চল্যৰ সৃষ্টি কৰিছে।

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে