January 30, 2023, 4:46 pm
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি বেবেজীয়াত প্ৰাকৃতিক পৰিবেশত ‘ৰ’দঘাই বেবেজীয়া’ৰ নাট মহোৎসৱৰ সফল সামৰণি আদানি-কাণ্ডৰ ফলত ক্ষতিগ্ৰস্ত ৰাজহুৱা খণ্ডৰ বেংক-বিত্তীয় প্ৰতিষ্ঠানত বিনিয়োগ কৰা অসমৰ লোকৰ ধন কিমান নিৰাপদ? বিবিচিৰ ডকুমেণ্টৰী নিষিদ্ধ সন্দৰ্ভত ৬ ফেব্ৰুৱাৰীত শুনানি গ্ৰহণ কৰিব উচ্চতম ন্যায়ালয়ে জনসংখ্যা নিয়ন্ত্ৰণ আইন প্ৰৱৰ্তন নকৰিলে ৫০ বছৰৰ পিছত সুৰক্ষিত নাথাকিব ৰাম মন্দিৰ আদানিক চেলেঞ্জঃ তথ্যসহকাৰে নাকচ কৰক হিণ্ডেনবাৰ্গৰ অভিযোগ ‘পাঠান’ অপসংস্কৃতি, অপসংস্কৃতিক প্ৰাধান্য দিয়া সকলে ‘পাঠান’ চাইছেঃ ভৱেশ কলিতা ওড়িশাৰ স্বাস্থ্যমন্ত্ৰীলৈ আৰক্ষীৰ গুলী বাঢ়িয়েই আছেঃ ফেব্ৰুৱাৰীৰ পৰা আকৌ বাঢ়িব বিদ্যুৎ মাচুল ৩৭ খন পতাকা উত্তোলনেৰে আৰম্ভ হ’ল সদৌ অসম গ্ৰাম্য পুথিভঁৰাল সন্থাৰ ৰাজ্যিক অধিবেশন কটন বিশ্ববিদ্যালয়ত ড০ সূৰ্য কুমাৰ ভূঞাৰ জন্মদিৱস উদযাপন

কোকৰাঝাৰত কৰুণ ঘটনা, পঞ্চম শ্ৰেণীৰ ছাত্ৰৰ পানীত ডুবি মৃত্যু

Reporter Name
  • Update Time : Sunday, March 13, 2022
  • 120 Time View

কোকৰাঝাৰঃ কোকৰাঝাৰ জিলাৰ ৮১৪ নং ছেদামাৰী প্ৰাথমিক বিদ্যালয়ৰ পঞ্চম শ্ৰেণীৰ ছাত্ৰ তথা ছেদামাৰী গাঁৱৰ লবিন মুৰ্মু আৰু ধুনু মাৰ্ডীৰ সন্তান ভৱেন মুৰ্মুৱে (১০) আজি কৰুণ মৃত্যুক সাবটি লয়। অভিভাৱকৰ অজ্ঞাতে আজি বিদ্যালয় পৰিচালনা সমিতিৰ প্ৰাক্তন সভাপতিয়ে বিদ্যালয়ৰ ছাত্ৰ-ছাত্ৰীসকলক নদীত গা ধুৱাবলৈ নিয়াৰ পৰিণতিতে গভীৰ পানীত পৰি ছাত্ৰজনৰ মৃত্যু হয়। এই ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।
মৃত ছাত্ৰগৰাকীৰ পিতৃ-মাতৃয়ে অভিযোগ কৰা মতে, লক্ষীৰাম হাসদা নামৰ বিদ্যালয় পৰিচালনা সমিতিৰ প্ৰাক্তন সভাপতি তথা গাঁৱৰ মুখীয়ালজনে আজি বিদ্যালয়খনৰ একাংশ ছাত্ৰ-ছাত্ৰীক চম্পাৱতী নৈত গা ধুবলৈ লৈ যায়। বিদ্যালয়ৰ পৰা প্ৰায় তিনি কিলোমিটাৰ নিলগৰ কোবাল সোঁতৰ চম্পাৱতী নৈত গা ধুবলৈ নিয়া কাৰ্যত অভিভাৱকৰ পৰা কোনো আগতীয়া সন্মতিও গ্ৰহণ কৰা নাছিল বিদ্যালয়খনে। অভিযোগ অনুসৰি দেওবাৰ হোৱা সত্বেও লক্ষীৰাম হাসদাই ছাত্ৰ-ছাত্ৰীসকলক ঘৰৰ পৰা মাতি নি গা ধুলে গা পৰিস্কাৰ হয় বুলি কৈ চম্পাৱতী নদীলৈ নিয়ে। কোনো ধৰণৰ সুৰক্ষা অৱিহনে ছাত্ৰ-ছাত্ৰীসকলক পানীত নমাই দিয়াত এক ভয়ংকৰ পৰিৱেশৰ সৃষ্টি হয়। দুই-এজন ছাত্ৰই সাঁতুৰিবলৈ জানে যদিও একাংশই সাঁতুৰিবলৈ নজনা সত্বেও পানীত নামি পৰে আৰু চম্পাৱতী নদীৰ মাজলৈ গুচি যায়। তেনে এক পৰিৱেশৰ মাজতে মেধাৱী ছাত্ৰ তথা পঞ্চম শ্ৰেণীৰ প্ৰথম স্থানপ্ৰাপ্ত ছাত্ৰ ভৱেন মুৰ্মু চম্পাৱতীৰ বুকুত ডুব যায়। মুহূৰ্ততে এক হুৱাদুৱা পৰিৱেশৰ সৃষ্টি হয় আৰু স্থানীয় জনতাই পানীৰ পৰা উদ্ধাৰ কৰি এম্বুলেঞ্চযোগে ভৱেন মুৰ্মুক বালাজান চিকিৎসালয়ৈ নিয়ে যদিও চিকিৎসকে ছাত্ৰজনক মৃত বুলি ঘোষণা কৰে। উক্ত ঘটনাটোৱে অঞ্চলটোত ব্যাপক প্ৰতিক্ৰিয়াৰ সৃষ্টি কৰিছে আৰু অভিভাৱকে বিদ্যালয় কৰ্তৃপক্ষৰ বিৰুদ্ধে ক্ষোভ উজাৰিছে।
প্ৰণিধানযোগ্য যে ৮১৪ নং ছেদামাৰী প্ৰাথমিক বিদ্যালয়ৰ কণ কণ ছাত্ৰ ছাত্ৰীসকলক বিদ্যালয় কৰ্তৃপক্ষই হাৰাশাস্তি কৰে বুলি আজি একাংশ অভিভাৱকে অভিযোগ কৰিছে। বিদ্যালয় কৰ্তৃপক্ষই বিদ্যালয় বন্ধৰ দিন থাকিলেও ঘৰৰ পৰা মাতি নি গা ধুৱায় আৰু বিদ্যালয় পৰিস্কাৰকৰণত লগাই দি সেই ফটো-ভিডিঅ’ ফেচবুকত আপলোড কৰে বুলি অভিভাৱকে অভিযোগ কৰিছে। গুণোৎসৱত ভাল ফলাফল প্ৰদৰ্শন কৰিবলৈ বিদ্যালয় কৰ্তৃপক্ষই এনেবোৰ কাৰ্যত লিপ্ত হয় বুলি অভিযোগ কৰি কণমানি ছাত্ৰ ভৱেন মুৰ্মুৰ মৃত্যুৰ তদন্ত কৰি দোষীক শাস্তি প্ৰদান কৰিবলৈ দাবী উত্থাপন কৰিছে অভিভাৱকসকলে।
ইপিনে, ৩০ বিছনাযুক্ত বালাজান সামূহিক চিকিৎসালয়ত আজিও চিকিৎসা কৰ্মী নথকাৰ অভিযোগ উত্থাপিত হৈছে। সাধাৰণতে বিয়লি হ’লেই বালাজান চিকিৎসালয়ত কোনোধৰণৰ কৰ্মচাৰী নথকাটো এটা পৌৰাণিক নিয়মত পৰিণত হৈছে। অক্সিজেন দি এম্বুলেঞ্চত লৈ অহা কণমানি ছাত্ৰ মুমুৰ্ষ ভৱেন মুৰ্মুৰ আত্মীয়সকলে বহু সময় চিকিৎসক-নাৰ্ছ বিচাৰি হাহাকাৰ কৰিবলগীয়া হয়। তেনে অৱস্থাতে কোকৰাঝাৰ আৰএনবি চিকিৎসালয়লৈ নিয়াৰ যো-জা কৰোতে এগৰাকী চিকিৎসকক কোৱাৰ্টাৰৰ পৰা মাতি অনা হয় আৰু চিকিৎসকে পৰীক্ষা কৰি ভৱেন মুৰ্মুক মৃত বুলি ঘোষণা কৰে।

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে