কোকৰাঝাৰঃ চৰকাৰ আৰু অইল কৰ্তৃপক্ষৰ গাফিলতিত বাঘজান ঘটনা সংঘটিত হৈছে। অইল কৰ্তৃপক্ষ আৰু চৰকাৰে গেছ নিৰ্গমনৰ প্ৰাৰম্ভিক অৱস্থাতে কাৰ্যব্যৱস্থা গ্ৰহণ কৰা হলে আজিৰ এই দুৰৱস্থা সংঘটিত নহলহেতেন। এই মন্তব্য আছুৰ সভাপতি দীপাংক নাথৰ। কোকৰাঝাৰ জিলাৰ কালিপুখুৰী অঞ্চলৰ বেণীবাৰী নিৱাসী আছুৰ প্ৰাক্তন সাংগঠনিক সম্পাদক ছাবেন ৰায়ৰ অসুস্থতাৰ খবৰ লবলৈ আহি আছুৰ সভাপতি দীপাংক নাথ উক্ত মন্তব্য কৰে।

দীৰ্ঘদিনৰ পৰা অসুস্থতাত হৈ থকা ছাবেন ৰায়ৰ শাৰীৰিক অৱস্থাৰ বুজ লৈ দীপাংক নাথে প্ৰয়োজনবশত ছাবৰন ৰায়ৰ চিকিৎসাৰ খৰছ আছুৱে বহন কৰিব বুলি সদৰি কৰিছে। বাঘজান ঘটনাক তীব্ৰ ভাষাৰে গৰিহণা দি চৰকাৰ আৰু অইল কৰ্তৃপক্ষৰ হেমাহিৰ বাবেই অঞ্চলটোৰ পাৰিপাৰ্শ্বিকতা বিনষ্ট হৈছে। বাঘজান দুৰ্ঘটনাত নিহত পৰিয়ালৰ নিকটাত্মীয়লৈ সংস্থাপন আৰু ক্ষতিগ্ৰস্ত পৰিয়ালক ক্ষতিপুৰণ দিয়াৰো দাবী উত্থাপন কৰিছে আছুৰ সভাপতি দীপাংক নাথে।

ইপিনে গণনিগ্ৰহৰ ঘটনা দিনকদিনে বৃদ্ধি পোৱাত গভীৰ উদ্বেগ প্ৰকাশ কৰি দীপাংক নাথে কয় যে এনে ঘটনা বিলোপ হবলৈ হলে প্ৰথমেই মানুহৰ মানসিকতাৰ পৰিবৰ্তন হব লাগিব। এনে কেবাটাও ঘটনা সংঘটিত হোৱা সত্বেও চৰকাৰৰ গা নলৰাটো অতিকে দুৰ্ভাগ্যজনক বুলি মন্তব্যৰে গুৱাহাটীৰ মাজমজিয়াত সংঘটিত হোৱা ঘটনাটোৱে চৰকাৰৰ ব্যৰ্থতা উদঙাই দিছে। দোষীসকলক ফাষ্ট ট্ৰেক আদালতত বিচাৰ কৰি কঠোৰ শাস্তিৰ দাবী উত্থাপন কৰি দীপাংক নাথে। তদুপৰি দীপাংক নাথে বিগত ৫বছৰে একো উন্নয়ন নহল আৰু বহু অঞ্চলত আজিলৈকে বিজুলী, ৰাস্তা-ঘাট নিৰ্মান নোহোৱাত চৰকাৰৰ বিৰুদ্ধে ক্ষোভ উজাৰে। আছুৰ প্ৰাক্তন সাংগঠনিক সম্পাদক ছাবেন ৰায়ৰ অসুস্থতাৰ খবৰ লবলৈ বেণীবাৰীত উপস্থিত হোৱা আছুৰ সভাপতি দীপাংক নাথৰ সতে আছুৰ সহঃ সাধাৰণ সম্পাদক নৱজ্যোতি ৰায় আৰু জিলা আছুৰ কৰ্মকৰ্তাসকল উপস্থিত আছিল।