কামপুৰত বালি কঢ়িওয়া ডাম্পাৰৰ দৌৰাত্ম্য, অধিক বোজা কঢ়িওৱাৰ ফলত কামপুৰৰ কপিলী দলঙলৈ ভাবুকি
- Update Time : Saturday, August 29, 2020
- 94 Time View
কামপুৰঃ দক্ষিণ নগাঁৱত কপিলী নদীৰ একমাত্ৰ দলংখনেৰে নগাঁও কামপুৰকে ধৰি বৈঠালাংচুৰ লগত যোগাযোগ বিপদ সংকুল ভাৱে অব্যাহত আছে। এই দলংখনৰ কাষতে নতুনকৈ দলং নিৰ্মাণকাৰ্য চলি আছে যদিও কামৰ অগ্ৰগতি নিৰাশাজনক। আশ্চৰ্যজনক যে, কামপুৰ নগৰৰ গাতে লাগি থকা চৰাইহাগীৰ কপিলী নদীৰ দলংখনৰ অৱস্থা সংকতজনক হৈ থকাৰ পিছতো বালি কঢ়িয়াই নিয়া ডাম্পাৰবোৰে বন বিভাগৰ নীতি উলংঘা কৰি অধিক বোজা লৈ দৈনিক শ শ ডাম্পাৰ পাৰ হোৱা পৰিলক্ষিত হৈছে।
যাৰ বাবে ৰাইজ চিন্তিত হৈ পৰিছে। কিন্তু ভ্ৰুক্ষেপ নাই কামপুৰৰ বন বিভাগৰ। দলংখনৰ বহুঠাইত ফাঁট মেলি থকাৰ পিছতো অতিৰিক্ত বোজা লৈ বিপজ্জনকভাৱে পাৰ হৈ আছে বালি ভৰ্ত্তি ডাম্পাৰ। বন বিভাগৰ আইন উলংঘা কৰি ডাম্পাৰ চালক সকলে কঢ়িয়াই নিয়া অতিৰিক্ত বোজাৰ ফলত দলং খনৰ অৱস্থা জৰাজীৰ্ণ হৈ পৰাত সচেতন মহল শংকিত হৈ পৰিছে। এনে অবৈধভাৱে চলা বালিভৰ্তি ডাম্পাৰৰ চলাচলত নাকী লগাবলৈ প্ৰশাসনৰ ওচৰত দাবী জনাইছে স্থানীয় ৰাইজে।
