কংগ্ৰেছৰ বিধায়ক ৰূপজ্যোতি কুৰ্মীৰ বিৰুদ্ধে অসম প্ৰেমী যুৱ-ছাত্ৰ সমাজৰ এজাহাৰ দাখিল
- Update Time : Tuesday, June 30, 2020
- 123 Time View
টীয়কঃ কংগ্ৰেছৰ মৰিয়নিৰ বিধায়ক ৰূপজ্যোতি কুৰ্মীৰ বিৰুদ্ধে এজাহাৰ দাখিল কৰিছে অসম প্ৰেমী যুৱ-ছাত্ৰ সমাজ নামৰ সংগঠনটোৱে৷ ধৰ্ষিতাৰ নাম আৰু ফটো প্ৰচাৰ কৰাত সৰৱ হৈ পৰা অসম প্ৰেমী যুৱ-ছাত্ৰ সমাজ নামৰ সংগঠনটোৱে বিধায়ক ৰূপজ্যোতি কুৰ্মীৰ বিৰুদ্ধে টীয়ক আৰক্ষী থানাত এজাহাৰ দাখিল কৰে৷
শিৱসাগৰ জিলাৰ আমগুৰিৰ হালোৱাটিংৰ এগৰাকী ধৰ্ষিতাৰ গৰ্ভধৰাণ আৰু আমগুৰিৰ এজন চিকিৎসকে অবৈধভাৱে গৰ্ভপাত কৰাৰ ঘটনাক লৈ সৰৱ হৈ পৰিছিল মৰিয়নিৰ বিধায়ক ৰূপজ্যোতি কুৰ্মী৷ হালোৱাটিং আৰক্ষী থানাত এজাহাৰ দাখিল কৰি যুৱতীৰ ন্যায়ৰ দাবী কৰি ছ’চিয়েল মাধ্যমত যুৱতীৰ নাম আৰু ফটো প্ৰকাশ কৰিছিল বিধায়ক ৰূপজ্যোতি কুৰ্মীয়ে৷
এই কাৰ্যত জাঙুৰ খাই উঠিছে অসম প্ৰেমী যুৱ-ছাত্ৰ সমাজ৷ মঙলবাৰে সংগঠনটোৰ উপদেষ্টা মনোজ গগৈয়ে ৰূপজ্যোতি কুৰ্মীৰ বিৰুদ্ধে POSCO ACT-2012 ভংগ কৰাৰ অভিযোগ উত্থাপন কৰি টীয়ক আৰক্ষী থানাত এজাহাৰ দাখিল কৰে৷
