এয়া পবিত্ৰ ভাদ মাহ, কিন্তু কোৰোনাৰ বাবে এগছি বন্তিও বিকিব পৰা নাই মৃৎশিল্পীয়ে
- Update Time : Thursday, August 27, 2020
- 137 Time View
টীয়কঃ কৰোণা মহামাৰী বাবে বৃহৎ লোকচানৰ সন্মুখীন হৈছে ৰাজ্যৰ মৃৎশিল্পৰ ব্যৱসায়ীসকল। এতিয়া অসমীয়া সমাজ জীৱনৰ পবিত্ৰ ভাদ মাহ। এই ভাদ মাহতে ৰাজ্যৰ বিভিন্ন মঠ মন্দিৰত চাকি জ্বলাই ভগৱানৰ ওচৰত সেৱা আগবঢ়ায়।
টীয়কতো তাৰ ব্যতিক্ৰম নহয়, বিশেষকৈ টীয়কৰ ঐতিহাসিক ঢেকীয়াখোৱা বৰনামঘৰ, মইনাপুৰীয়া নামঘৰ, কলীয়াপানীস্থিত আউনীআটী সত্ৰ, চটাইস্থিত শ্ৰীশ্ৰী দক্ষিণপাট সত্ৰলৈ প্ৰতিদিনেই সহস্ৰাধিক ভক্তৰ আগমন হয়।
এই ভক্ত সকলে নিজৰ মনোকামনা পুৰণৰ বাবে এগছি বন্তি জ্বলাই নেদেখা জনৰ চৰণত আশীষ বিচাৰে। কিন্তু এইবাৰ কোৰোনা মহামাৰীৰ বাবে সত্ৰ, নামঘৰ সমূহত বন্তি প্ৰজ্বলনত বাধা আৰোপ কৰা হৈছে।
ইয়াৰ পোনপটীয়াকৈ প্ৰভাৱ পৰিছে মৃৎশিল্পৰ সৈতে জড়িত পৰিয়াল সমূহৰ ওপৰত। যাৰ ফলত এতিয়া পেটে ভাতে খাই থকা এই পৰিয়াল সমূহৰ জীৱনলৈ নামি আহিছে অমানিশা। সেয়ে এই ক্ষেত্ৰত চৰকাৰৰ কিছু শিথিলতা আশা কৰিছে ব্যৱসায়ীসকলে।
