এনচিবিৰ কাৰ্যালয়ত উপস্থিত, যিকোনো মুহূৰ্ততে গ্ৰেপ্তাৰ হ’ব পাৰে ৰিয়া
- Update Time : Sunday, September 6, 2020
- 126 Time View
মুম্বাইঃ নাৰ্ক’টিক কন্ট্ৰ’ল ব্যুৰ’ চমুকৈ এনচিবিয়ে জাৰি কৰা চমনৰ পিছতে মুম্বাইস্থিত এনচিবিৰ কাৰ্যালয়ত উপস্থিত হৈছে সুশান্ত সিং ৰাজপুতৰ আত্মহত্যা কাণ্ডৰ সৈতে নাম সাঙোৰ খাই পৰা ৰিয়া চক্ৰৱৰ্তী। দেওবাৰে পুৱা প্ৰায় ১১ বজাত নিজ বাসগৃহৰ পৰা এনচিবিৰ কাৰ্যালয়লৈ ৰাওনা হয়।
এনচিবিৰ সূত্ৰই সংবাদ মাধ্যমক সদৰী কৰা মতে ড্ৰাগছ সৰবৰাহ আৰু ড্ৰাগছ ব্যৱসায়ৰ সৈতে জড়িত হয় নে নহয় সেই বিষয় সম্পৰ্কে জানিবলৈ কেবাঘণ্টা ধৰি জেৰা চলাব পাৰে ৰিয়াক। জেৰাৰ অন্তত অভিনেত্ৰী ৰিয়া চক্ৰৱৰ্তীক গ্ৰেপ্তাৰ কৰাৰ সম্ভাৱনাও একপ্ৰকাৰ স্পষ্ট হৈ পৰিছে।
উল্লেখ্য যে, অভিনেতা সুশান্ত সিং ৰাজপুতৰ মৃত্যু ৰহস্য উদঘাটনৰ বাবে ঘটনাৰ তদন্তৰ দায়িত্ব ইতিমধ্যে অৰ্পণ কৰা হৈছে চিবিআইক। ইয়াৰ পিছতে ড্ৰাগছৰ প্ৰসংগ উত্থাপিত হোৱাত সমগ্ৰ ঘটনাটোত এতিয়া নাৰ্ক’টিক কন্ট্ৰ’ল ব্যুৰ’ চমুকৈ এনচিবিৰ ভূমিকাও গুৰুত্বপূৰ্ণ হৈ পৰিছে।
