এঘণ্টাৰ ভিতৰতে নিগেটিভ হ’ল পজিটিভ, যোৰহাটত বজাৰ কৰি আহি থাকােতেই তুলি নিলে যুৱতীক
- Update Time : Saturday, July 11, 2020
- 111 Time View
টীয়কঃ ৰাজ্যত দ্ৰুত গতিত কোৱিড ৰোগীৰ সংখ্যা বৃদ্ধি হোৱাৰ সময়তে যোৰহাট জিলাৰ কাকজান বাম কুকুৰাচোৱাৰ এগৰাকী যুৱতী আক্ৰান্ত হৈছে কোৱিডত৷
যোৱা ২৭ জুনত গুৱাহাটীৰ পৰা নিজ ঘৰলৈ আহি হোম কোৱাৰাণ্টাইন হৈ আছিল শিল্পী কাকতি নামৰ যুৱতীগৰাকীয়ে৷ হোম কোৱাৰাণ্টাইন হৈ থকা যুৱতীগৰাকীক শুকুৰবাৰে কাকজান প্ৰাথমিক স্বাস্থ্য কেন্দ্ৰৰ স্বাস্থ্য কৰ্মীয়ে যুৱতীগৰাকীৰ পৰীক্ষাৰ ফলাফল নিগেটিভ বুলি জানিবলৈ দিয়ে।
তাৰ পিছতে বিয়লি যুৱতীয়ে লাহদৈগড় চাৰিআলিলৈ গৈ কেইবাখনো ব্যৱসায় প্ৰতিষ্ঠানত বজাৰ কৰি ঘৰলৈ উভতাৰ পথত এখন এম্বুলেন্সত অহা এটা স্বাস্থ্য কৰ্মীৰ দলে যুৱতীগৰাকীক ক’ভিড ১৯ত পজিটিভ পোৱা বুলি দাবী কৰি যোৰহাট চিকিৎসা মহাবিদ্যালয়লৈ লৈ যায়।
এঘণ্টাৰ ভিতৰত পজিটিভ-নিগেটিভ দুটাকৈ ফলাফল ওলোৱা এই ঘটনাৰ চৰ্চা আৰম্ভ হৈছে। এতিয়া সমগ্ৰ অঞ্চলটোতে আতংকই বিৰাজ কৰিছে। ইপিনে যুৱতীগৰাকীক যোৰহাট চিকিৎসা মহাবিদ্যালয়লৈ লৈ যায় যদিও এই পৰ্যন্ত ঘৰখনলৈ কোনো চিকিৎসাকৰ্মী, প্ৰশাসনৰ লোক আহি কোনো নিৰ্দেশনা দিয়া নাই৷
