February 1, 2023, 12:45 am
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি APDCLৰ লোকচানৰ বোজা সাধাৰণ জনতাৰ ওপৰত জাপি দিয়া কাৰ্য মানি লোৱা নহ’বঃ আপ টুকটুকী ছায়া স্মৃতি এম ই মাদ্ৰাছাৰ অৱসৰপ্ৰাপ্ত শিক্ষয়িত্ৰীক বিদায় সম্বৰ্ধনা মুখ্যমন্ত্ৰীয়ে নাই বুলি কোৱাৰ পাছতো বিজেপিৰ বিধায়ক ৰমাকান্তৰ মতে বাঘ হাজৰিকা আছিল অৰবিন্দ কেজৰিৱালক হত্যাৰ ভাবুকিঃ মাজনিশা আৰক্ষীলৈ আহিল ফোনকল বেবেজীয়াত প্ৰাকৃতিক পৰিবেশত ‘ৰ’দঘাই বেবেজীয়া’ৰ নাট মহোৎসৱৰ সফল সামৰণি আদানি-কাণ্ডৰ ফলত ক্ষতিগ্ৰস্ত ৰাজহুৱা খণ্ডৰ বেংক-বিত্তীয় প্ৰতিষ্ঠানত বিনিয়োগ কৰা অসমৰ লোকৰ ধন কিমান নিৰাপদ? বিবিচিৰ ডকুমেণ্টৰী নিষিদ্ধ সন্দৰ্ভত ৬ ফেব্ৰুৱাৰীত শুনানি গ্ৰহণ কৰিব উচ্চতম ন্যায়ালয়ে জনসংখ্যা নিয়ন্ত্ৰণ আইন প্ৰৱৰ্তন নকৰিলে ৫০ বছৰৰ পিছত সুৰক্ষিত নাথাকিব ৰাম মন্দিৰ আদানিক চেলেঞ্জঃ তথ্যসহকাৰে নাকচ কৰক হিণ্ডেনবাৰ্গৰ অভিযোগ ‘পাঠান’ অপসংস্কৃতি, অপসংস্কৃতিক প্ৰাধান্য দিয়া সকলে ‘পাঠান’ চাইছেঃ ভৱেশ কলিতা

উৰুখা পঁজাত জুয়ে পোৰা সোণৰ দৰে জিলিকি উঠিছে ৰৌনিকঃ মেধাৱী ছাত্ৰজনলৈ বেংক বিষয়াৰ সহায়ৰ হাত

Reporter Name
  • Update Time : Friday, June 10, 2022
  • 68 Time View

বেবেজীয়াঃ এটা উৰুখা পঁজা, এটি মাত্ৰ কোঠালি, এখনেই বিছনা৷ নাই কোনো বিশেষ আচবাব, বিছনাৰ ওপৰতে বহা, বিছনাৰ ওপৰতে খোৱা, বিছনাৰ ওপৰতে পঢ়া আদি সকলো৷ পৰিয়ালটোৰ চাৰিটা প্ৰাণীয়ে এনেদৰেই চলাইছে জীৱন সংগ্ৰাম৷ পিতৃয়ে দিনটো গাড়ীৰ কণ্ডাক্টৰ হিচাপে উপাৰ্জন কৰে দুশ-তিনিশ টকা আৰু তাৰেই অতি কষ্টৰে পোহপাল দি অহা অতি দৰিদ্ৰ পৰিয়ালটোৰ পুত্ৰ ৰৌনিক দাস জুয়ে পোৰা সোণৰ দৰে জিলিকি উঠিল সদ্যঘোষিত হাইস্কুল শিক্ষান্ত পৰীক্ষাৰ ফলাফলত৷ ৰৌনিকে পাঁচটা বিষয়ত লেটাৰ নম্বৰসহ ডিষ্ট্ৰিংচন লাভ কৰি কঢ়িয়াই আনিছে গৌৰৱ৷ মেধাৱী ছাত্ৰজনে অসমীয়াত ৯৬, গণিতত ৯৬, সমাজ বিজ্ঞানত ৯৫, বিজ্ঞানত ৮৪ আৰু ঐচ্চিক গণিতত ৯৩ নম্বৰ লাভ কৰে৷ নগাঁও চৰকাৰী বালক বুনিয়াদী বিদ্যালয়ৰ পৰা সুখ্যাতিৰে উৰ্ত্তীণ হোৱা ৰৌনিক দাসৰ লক্ষ্য ভৱিষ্যতে এগৰাকী এষ্ট্ৰোমাৰ হোৱাৰ৷

 

সেই উদ্দেশ্যৰেই তেওঁ বিজ্ঞান শাখাত এখন ভাল মহাবিদ্যালয়ত পঢ়াৰ আছে দুৰ্বাৰ হেঁপাহ৷ কিন্তু ধনৰ অভাৱত ছাত্ৰজনৰ ভৱিষ্যতৰ সপোন ধুৱলি-কুঁৱলী হৈ পৰাৰ সময়তে ভাৰতীয় ষ্টেট বেংকৰ নগাঁৱৰ হয়বৰগাঁও শাখাৰ মুখ্য পৰিচালক ৰূপক দাসে ছাত্ৰজনৰ উৰুখা পঁজাত উপস্থিত হৈ তেওঁৰ লগতে পৰিয়ালটোক দিছে সাহস আৰু সহায়ৰ আশ্বাস৷ মানৱদৰদী বেংক বিষয়াজনে ফুলাম গামোছাৰে ৰৌনিকৰ লগতে মাতৃক সম্বৰ্ধনা জনোৱাৰ লগতে নগদ ধন আগবঢ়ায়৷ তদুপৰি তেওঁ ৰৌনিকৰ নামত ভাৰতীয় ষ্টেট বেংকৰ হয়বৰগাঁও শাখাত এটি একাউণ্ট খুলি দিয়াৰ লগতে ছাত্ৰজনক উচ্চতৰ মাধ্যমিকত অধ্যয়নৰ বাবে দুটা বছৰৰ পঢ়াৰ খৰচৰ বাবদ সেই একাউণ্টত প্ৰতি মাহে নিজৰ ফালৰ কিছু পৰিমানৰ ধন জমা কৰি যাব বুলি প্ৰতিশ্ৰুতি দিয়ে৷ এই প্ৰতিশ্ৰুতিয়ে মেধাৱী ছাত্ৰজনৰ লগতে পৰিয়ালটোলৈ কিছু আশাৰ বতৰা কঢ়িয়াই অনা বুলি প্ৰকাশ কৰি ৰৌনিক আৰু তেওঁৰ মাতৃয়ে বেংক বিষয়াগৰাকীক কৃতজ্ঞতা জনায়৷ বেংক বিষয়া ৰূপক দাসৰ এনে মহানুভৱতাৰ শলাগ লৈছে সচেতন লোকসকলে৷

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে