উত্তৰ পূৰ্বাঞ্চলৰ অগ্ৰণী যোগ প্ৰশিক্ষণ কেন্দ্ৰ তথা একমাত্ৰ আয়ুৰ্বেদিক যোগ চিকিৎসা কেন্দ্ৰ উত্তৰ গুৱাহাটী অভয়পুৰস্থিত যোগনিলয়মত যোগ-স্বাস্থ্য সম্পৰ্কীয় শিবিৰ অনুষ্ঠিত হৈছে৷ সেৱা ভাৰতীৰ অন্তৰ্গত যোগ নিলয়ম, যোগ আৰু প্ৰাকৃতিক চিকিৎসা কেন্দ্ৰত দুদিনীয়া Brain Yoga Workshopৰ আয়োজন কৰা হৈছে। শিবিৰ বন্তি প্ৰজ্বলন কৰি মুকলি কৰে শিশু শিক্ষা সমিতিৰ প্ৰান্তঃ ছ’ছিয়েল মিডিয়া প্ৰমুখ মুকুটেশ্বৰ গোস্বামীয়ে। অনুষ্ঠান সূচাৰুৰূপে চলাই লৈ যোৱাত সহায় কৰে সেৱা ভাৰতীৰ পূৰ্বাঞ্চল প্ৰান্তৰ যোগ প্ৰমুখ অৰূপজ্যোতি দাস, জুনু শৰ্মা মিশ্ৰই। Brain Yoga Workshopত প্ৰশিক্ষক হিচাপে উপস্থিত থাকে ৰাজস্থানৰ মহাবীৰ চৰৌয়া, জিতেন্দ্ৰ ৰাথোৰ। অনুষ্ঠানত অসমৰ বিভিন্ন প্ৰান্তৰ পৰা অহা ২২ গৰাকী পুৰুষ-মহিলাই অংশগ্ৰহণ কৰে। সেৱা ভাৰতীৰ পূৰ্বাঞ্চল শাখাই উত্তৰ গুৱাহাটী যোগ নিলয়মৰ লগতে অসমৰ বিভিন্ন স্থানত সাপ্তাহিক, পষেকীয়া, মাহেকীয়া যোগ আৰু স্বাস্থ্য সম্পৰ্কীয় অনুষ্ঠান আয়োজন কৰাৰ লগতে যোগ শিক্ষকৰ প্ৰশিক্ষণ দি আহিছে।