আন্তঃৰাষ্ট্ৰীয় টি-২০ ক্ৰিকেটৰ পৰা অৱসৰ বাংলাদেশৰ তামিম ইকবালৰ
- Update Time : Sunday, July 17, 2022
- 48 Time View
ডিজিটেল ডেস্কঃ বিশ্বকাপৰ পূৰ্বে বাংলাদেশৰ ক্ৰিকেটত মোক্ষম আঘাত ৷ শেহতীয়াকৈ বাওঁহতীয়া বেটছমেন তামিম ইকবালে আন্তঃৰাষ্ট্ৰীয় টি-২০ ৰ পৰা অৱসৰ ঘোষণা কৰিছে। বাওঁহতীয়া বেটছমেনগৰাকীৰ আকস্মিক সিদ্ধান্তই অনুৰাগীক আচৰিত কৰিছে। আগন্তুক টি-২০ বিশ্বকাপত বাংলাদেশে বেটছমেনগৰাকীক নাপাব। দেওবাৰে তামিমে ফেচবুকত লিখিছে যে, “মই আজি আন্তৰ্জাতিক টি-২০ৰ পৰা অৱসৰ লৈছো, সকলোকে ধন্যবাদ। তামিমে কৈছে , তেওঁ টি-২০ ক্ৰিকেটৰ পৰা অৱসৰ ল’ব কিন্তু দেশৰ হৈ টেষ্ট মেচ আৰু এদিনীয়া ক্ৰিকেট খেলিব।
৩৩ বছৰীয়া তামিমক বাংলাদেশৰ অন্যতম শ্ৰেষ্ঠ বেটছমেন হিচাপে গণ্য কৰা হয়। তেওঁ ২০০৭ চনত আন্তৰ্জাতিক টি-২০ত আত্মপ্ৰকাশ কৰিছিল। তামিমে শেষবাৰৰ বাবে ২০২০ চনৰ মাৰ্চত জিম্বাবোৱে’ৰ বিৰুদ্ধে দেশৰ হৈ ২০ অভাৰৰ ক্ৰিকেট খেলিছিল। আঘাত আৰু ব্যক্তিগত কাৰণত তামিমক তেতিয়াৰ পৰা আন্তৰ্জাতিক টি-২০ত দেখা পোৱা নাছিল। তামিমে ২০২১ চনৰ টি-২০ বিশ্বকাপত বাংলাদেশৰ হৈ খেলা নাছিল।
