আদালত অৱমাননা গোচৰৰ দোষী অধিবক্তা প্ৰশান্ত ভূষণে আদালতত জমা কৰিলে ১ টকা
- Update Time : Monday, September 14, 2020
- 106 Time View
ডিজিটেল ডেস্কঃ আদালত অৱমাননা গোচৰৰ দোষী দেশৰ বিশিষ্ট অধিবক্তা প্ৰশান্ত ভূষণে সোমবাৰে আদালতত জমা কৰিলে ১ টকা৷ সোমবাৰে উচ্চতম ন্যায়ালয়ৰ পঞ্জীয়ন বিভাগত উপস্থিত হৈ শাস্তি ৰূপে ভৰোৱা জৰিমনাৰ ৰাশি জমা কৰে৷ ভূষণে এক টকা জৰিমনাৰ ধন ড্ৰাফট যোগে জমা কৰে৷ জৰিমনা জমা কৰাৰ পূৰ্বে কয় যে জৰিমনা জমা কৰা অৰ্থ এয়া নহয় যে উচ্চতম ন্যায়ালয়ৰ সিদ্ধান্তক স্বীকাৰ কৰিছো৷ মই আজিয়ে এই ক্ষেত্ৰত পুনঃবিচাৰ আবেদন দাখিল কৰিম৷
ভূষণে কয় যে এটা সত্য কোষ গঠন কৰা হ’ব৷ এই কোষৰ টকা সেইসকলৰ লোকৰ বাবে ব্যৱহাৰ কৰা হ’ব যিসকলে চৰকাৰৰ বিৰুদ্ধে কোৱাৰ বাবে অত্যাচাৰ কৰা হয়৷ ভাৰতত মত প্ৰকাশৰ অধিকাৰৰ ভিত্তিত যিসকল লোকে চৰকাৰৰ বিৰুদ্ধে কয় তেওঁলোকৰ মুখ বন্ধ কৰিবলৈ সকলো ধৰণৰ প্ৰক্ৰিয়া অৱলম্বন কৰে৷
কোৱাৰ অধিকাৰৰ ডিঙি চেঁপা হৈছে৷ আৱাজ উঠোৱা ওমৰ খালিদ আৰু অন্য লোকসকলৰ বিৰুদ্ধে আইনী ব্যৱস্থা লোৱা হৈছে৷ এনে লোকক সহায় কৰিবৰ বাবে জনগণৰ পৰা ১ টকাকৈ লৈ পুঁজি গঠন কৰা হ’ব৷
