March 30, 2023, 7:18 pm
শেহতীয়া খবৰ ▪️
আজিৰে পৰা পুনেত কোভিড-১৯ৰ ভেকচিনৰ দ্বিতীয় পৰ্যায়ৰ পৰীক্ষণ আৰম্ভ
Reporter Name
- Update Time : Tuesday, August 25, 2020
- 102 Time View
মুম্বাইঃ পুনেস্থিত চিৰাম ইনষ্টিটিউট অৱ ইণ্ডিয়া, অক্সফ’ৰ্ড বিশ্ববিদ্যালয়ৰ দ্বাৰা প্ৰস্তুতি কাৰ্য চলি থকা কোৰোনা ভাইৰাছৰ ভেকচিনৰ দ্বিতীয় পৰ্যায়ৰ মানৱ ক্লিনিকেল পৰীক্ষণ আজিৰে পৰা আৰম্ভ হ’ব। এক সূত্ৰই সদৰী কৰা মতে, ‘কোভিচিল্ড’ৰ সুৰক্ষা আৰু প্ৰতিৰোধ ক্ষমতা নিৰূপণৰ বাবে পুনেস্থিত ভাৰতী বিদ্যাপীঠ চিকিৎসা মহাবিদ্যালয় আৰু হাস্পতালত আজিৰে পৰা সুস্থ আৰু বয়স্ক ভাৰতীয়ৰ দেহত এই ভেকচিনৰ নিয়ন্ত্ৰিত পৰীক্ষণ চলোৱা হ’ব।
উল্লেখ্য যে, অক্সফ’ৰ্ড বিশ্ববিদ্যালয়ে ব্ৰিটিছ-চুইডিছ কোম্পানী এষ্ট্ৰাজেনিকাৰ বাবে প্ৰস্তুত কৰি থকা কোভিড-১৯ৰ এই ভেকচিনৰ উৎপাদনত চিৰাম ইনষ্টিটিউট অৱ ইণ্ডিয়াই সহযোগিতা আগবঢ়াই আছে। এই ভেকচিনৰ পৰীক্ষণ সফল হ’লে অতি সোনকালে বজাৰত মুকলি দিয়া হ’ব বুলি জানিবলৈ দিছে এছআইআইৰ বিষয়া প্ৰকাশ কুমাৰ সিঙে।
◼️ তলৰ বাতৰিসমূহো পঢ়িব পাৰে
