March 29, 2023, 12:51 am
শেহতীয়া খবৰ ▪️
অৰুণাচলত অব্যাহত আছে বিদ্ৰোহী বিৰোধী অভিযান, জালত আলফা স্বাধীনৰ কেডাৰ ‘ভাইটি’
Reporter Name
- Update Time : Thursday, September 3, 2020
- 107 Time View
তপন কুমাৰ শইকীয়া, চাবুৱাঃ উত্তৰ-পূৰ্বাঞ্চলৰ বিদ্ৰোহী সংগঠনৰ নেতা-কেডাৰৰ বিৰুদ্ধে চুবুৰীয়া ৰাজ্য অৰুণাচলত নিৰাপত্তাৰক্ষীয়ে অভিযান অব্যাহত ৰাখিছে৷ অৰুণাচলত বিদ্ৰোহী বিৰোধী অভিযান অব্যাহত থকাৰ সময়তে বুধবাৰে অৰুণাচল প্ৰদেশৰ চাংলাং জিলাৰ নামপুং আৰক্ষী থানাৰ অন্তৰ্গত ১৯নং আসাম ৰাইফলচে আলফা স্বাধীনৰ সদস্যক গ্ৰেপ্তাৰ কৰিবলৈ সক্ষম হৈছে। নিৰাপত্তাৰক্ষীৰ জালত পৰে ভাইটি অসম (৩০) নামৰ আলফা কেডাৰ৷
ভাইটিৰ ঘৰ মাজুলীৰ বালি জোকাই গাঁৱত বুলি জানিব পৰা গৈছে। গোপন সূত্ৰৰ পম খেদি দুৰ্গম জংঘল চলোৱা অভিযানত ভাইটি অসমক জালত পেলোৱাৰ লগতে সেনাই এটা নাইন এমএম পিষ্টল এটা ৰেডিঅ ছেট, ম্যানমাৰৰ টকাসহ আপত্তিজনক নথি-পত্ৰ উদ্ধাৰ কৰিবলৈ সক্ষম হয়। আলফা স্বাধীনৰ সদস্যৰ পৰা অধিক তথ্য জানিবৰ বাবে সেনাই জেৰা অব্যাহত ৰাখিছে।
◼️ তলৰ বাতৰিসমূহো পঢ়িব পাৰে
