March 28, 2023, 4:49 am
শেহতীয়া খবৰ ▪️
অসম কৃষি বিশ্ববিদ্যালয়ত গণৰাজ্য দিৱস উদযাপন
Reporter Name
- Update Time : Friday, January 27, 2023
- 19 Time View
যোৰহাটঃ দেশৰ ৭৪ সংখ্যক গণৰাজ্য দিৱস কালি অসম কৃষি বিশ্ববিদ্যালয়তো পালন কৰা হয়। যোৰহাটৰ অসম কৃষি বিশ্ববিদ্যালয়ৰ মুল চৌহদৰ খেলপথাৰত কেন্দ্ৰীয়ভাৱে আয়োজিত অনুষ্ঠানত পতাকা উত্তোলন কৰে বিশ্ববিদ্যালয়ৰ উপাচাৰ্য ড০ বিদ্যুৎ চন্দন ডেকাই। ভাষণ প্ৰসংগত উপাচাৰ্যগৰাকীয়ে গণৰাজ্য দিৱসৰ তাৎপৰ্য ব্যাখ্যা কৰাৰ লগতে বিশ্ববিদ্যালয়ে গ্ৰহণ কৰা বিভিন্ন অভিলাসী পৰিকল্পনাৰ বিষয়ে প্ৰকাশ কৰে। বিশ্ববিদ্যালয়ৰ পঞ্জীয়ক তপন কুমাৰ গোহাঁয়ে আঁত ধৰা অনুষ্ঠানত বিশ্ববিদ্যালয়ৰ বিভিন্ন ক্ষেত্ৰত কৃতিত্ব প্ৰদৰ্শন কৰা বিশেষ বিষয়া, অধ্যাপক, বিজ্ঞানী আৰু কৰ্মচাৰী সকলক সন্মানিত কৰা হয়। তদুপৰি অসম কৃষি বিশ্ববিদ্যালয়ৰ অন্তৰ্গত ৰাজ্যৰ বিভিন্ন স্থানত থকা কৃষি বিজ্ঞান কেন্দ্ৰ আৰু আঞ্চলিক কৃষি গৱেষণা কেন্দ্ৰ সমূহতো গণৰাজ্য দিৱসৰ কাৰ্যসূচী অনুষ্ঠিত হয়।
◼️ তলৰ বাতৰিসমূহো পঢ়িব পাৰে
