March 24, 2023, 1:11 am
শেহতীয়া খবৰ ▪️
অসমত দ্ৰুত গতিত বাঢ়িছে ক’ৰোনা ৰোগী, আক্ৰান্তৰ সংখ্যা ৩৬৯৩গৰাকী
Reporter Name
- Update Time : Saturday, June 13, 2020
- 170 Time View
গুৱাহাটীঃ ৰাজ্যত দ্ৰুত গতিত বৃদ্ধি হৈছে ক’ৰোনা আক্ৰান্ত ৰোগীৰ সংখ্যা৷ লক-ডাউন শিথিল কৰাৰ পিছৰে পৰা বহিঃৰাজ্যৰ লোক অসমত প্ৰৱেশ কৰাৰ পিছৰে পৰা ক’ৰোনা আক্ৰান্ত ৰোগী প্ৰতিদিনে বৃদ্ধি হৈছে৷ বিগত সপ্তাহত ক’ৰোনা আক্ৰান্ত ৰোগীৰ হাৰ বেছি বুলি চৰ্চা হৈছে৷
তাৰ মাজতে শনিবাৰে ৰাজ্যৰ কেইবাখনো জিলাত পুনৰ ১৯৫গৰাকী লোকৰ দেহত ধৰা পৰিছে ক’ৰোনা পজিটিভ৷ শনিবাৰে নিশা ৰাজ্যৰ স্বাস্থ্যমন্ত্ৰী ড০ হিমন্ত বিশ্ব শৰ্মাই এটা টুইট কৰি এই কথা ৰাজহুৱা কৰিছে৷
শনিবাৰে নিশা পৰ্যন্ত অসমৰ মুঠ ৰোগীৰ সংখ্যা হৈছে ৩৬৯৩গৰাকী৷ মন্ত্ৰী হিমন্তই জনোৱা মতে, নতুনকৈ ধৰা পৰা ৰোগীসকল ৰাজ্যৰ কেইবা খনো জিলাৰ৷
আনহাতে অসমত বৰ্তমানলৈ কোৱিড-১৯ত আক্ৰান্ত ২০৯৮গৰাকী ৰোগী চিকিৎসাধীন হৈ আছে৷ ১৫৮৪গৰাকী ৰোগী সুস্থ হৈ চিকিৎসালয় এৰিছে৷ ক’ৰোনাত আক্ৰান্ত ৮গৰাকী লোকৰ মৃত্যু হৈছে৷
◼️ তলৰ বাতৰিসমূহো পঢ়িব পাৰে
