অসমত আৰু ১৪ দিনলৈ বৃদ্ধি হ’ব পাৰে লকডাউন
- Update Time : Friday, May 15, 2020
- 169 Time View
গুৱাহাটীঃ অসমত ১৭ মে’ৰ পিছত পুনৰ ১৪ দিনলৈ বৃদ্ধি হ’ব পাৰে লকডাউন। মুখ্যমন্ত্ৰী সৰ্বানন্দ সোণোৱালে আজি এক সংবাদমেলত এই ইংগিত প্ৰদান কৰে। মুখ্যমন্ত্ৰীগৰাকীয়ে কয় যে, প্ৰধানমন্ত্ৰীৰ সৈতে হোৱা শেষৰখন বৈঠকত তেওঁ ৰাজ্যত দুসপ্তাহলৈ লকডাউন বৃদ্ধিৰ বাবে অনুৰোধ কৰিছিল।
দেশৰ লগতে ৰাজ্যৰ শেহতীয়া পৰিস্থিতি ৰাখি কেইবাখনো ৰাজ্যই এই আহ্বানে কৰিছে বুলিও তেওঁ কয়। প্ৰধানমন্ত্ৰীৰ সৈতে বৈঠকৰ কথা আনুষ্ঠানিকভাৱে প্ৰকাশ কৰাৰ পাছতে ৰাজ্যত দুসপ্তাহলৈ লকডাউন বৃদ্ধি পোৱাৰ পূৰ্ণ সম্ভাৱনা আছে।
উল্লেখ্য যে, কেৱল অসমেই নহয়। বিহাৰ, মহাৰাষ্ট্ৰকে ধৰি কেইবাখনো ৰাজ্যই শুকুৰবাৰে কেন্দ্ৰক মুকলিভাৱে ৩১ মে লৈকে লকডাউন বৃদ্ধিৰ পোষকতা কৰিছে। কেন্দ্ৰই বিগত দিনত শ্ৰমিক, কৃষক আৰু ক্ষুদ্ৰ উদ্যোগৰ বাবে কৰা ঘোষণাসমূহক আদৰণি জনাই অসমৰো লাখ লাখ লোক এই পদক্ষেপৰ পৰা লাভৱান হ’ব বুলিও মুখ্যমন্ত্ৰীগৰাকীয়ে আশা প্ৰকাশ কৰে।
