February 9, 2023, 2:56 am
শেহতীয়া খবৰ ▪️
শ্ৰীমন্ত শঙ্কৰদেৱ সঙ্ঘ বকলীয়াঘাট আঞ্চলিক শাখাৰ ৬৫ সংখ্যক প্ৰতিনিধি সভা জামুগুৰিহাটৰ ত্যাগবীৰ হেমবৰুৱা মহাবিদ্যালয়ত প্ৰাক্তন ছাত্ৰ-ছাত্ৰী সন্মিলন চিচুপানীত নিখিল বড়ো ছাত্ৰ সন্থাৰ অধিবেশন স্কুল অৱ ড্ৰামাৰ নিবেদন “দ্য চাইলেণ্ট কিলাৰ” মৰিয়নি বিহু সুৰক্ষা সমিতিৰ পঞ্চম দ্বিবাৰ্ষিক অধিবেশন আৰ্তজনৰ কাষত তিতাবৰ মহকুমা গ্ৰাম্য সাংবাদিক সংন্থা প্ৰধান মন্ত্ৰীৰ কৃষক সন্মান নিধি বিষয়ক সভা ৰাজধানী এক্সপ্ৰেছত জুই হোজাইৰ কপাহবাৰীত পথ দুৰ্ঘটনা বিটিচিত আজি দ্বিতীয় পৰ্যায়ৰ নিৰ্বাচন কোকৰাঝাৰত হাগ্ৰামা মহিলাৰীৰ ভোটদান মন্ত্ৰী চন্দন ব্ৰহ্মৰ ভোটদান এনথৰক্স ৰোগত আক্রান্ত হৈ জয়পুৰ বৰ্ষাৰণ্যত হাতীৰ মৃত্যু তিনিচুকীয়াৰ ঢলা ছৈখোৱাত ঐতিহাসিক “বাবু পূজা” বেবেজীয়াত এ এছ আই প্ৰহ্লাদ নাথে ক্ষমতাৰ অপ-প্ৰয়োগেৰে জনতাক হাৰাশাস্তি আকৌ বজাৰত মূৰ তুলিছে আদানিয়ে, শ্বেয়াৰ মাৰ্কেট স্থিৰ ডাঙৰ চহৰত সৰু কথাতে মানুহক হত্যা, ৫৬ বছৰীয়া লোকক মৰিয়াই নৃশংস হত্যা গ্ৰাহকৰ মূৰত বাঢ়িল ঋণৰ বোজাঃ ৰিজাৰ্ভ বেংকৰ ৰেপোৰেট ৬.৫ শতাংশলৈ লৈ বৃদ্ধি AIUDFৰ বিধায়কৰ আশ্ৰাফুল হুছেইনৰ বিৰুদ্ধে যুৱতীক অপহৰণৰ অভিযোগ ৰাজ্যবাসীৰ বাবে ভাল খবৰ ,অসমৰ আকাশত ন বিমান সংযোগঃ উৰিব পৱন হংস উত্তৰাখণ্ডত ভাইৰেল ফিভাৰত আক্ৰান্ত ৪২ জনকৈ স্কুলীয়া শিক্ষাৰ্থী দেওলীয়া আদানিৰ হাতত এতিয়া কি কি আছে? ৰাষ্ট্ৰীয় মহিলা কাবাদী খেলুৱৈৰ প্ৰশিক্ষক বিৰুদ্ধে শাৰীৰিক নিৰ্যাতনৰ অভিযোগ ভুৱা এনকাউণ্টাৰ কৰি মূল্য ভৰিলে পুলিচে বন বিভাগৰ গাফিলতিৰ বাবেই বনাঞ্চলৰ পৰা জনাঞ্চললৈ ওলাই আহি গঁড়ৰ মৃত্যু

অন্ধ সমাজৰ মানুহবোৰক ধিক্কাৰ

Reporter Name
  • Update Time : Friday, April 15, 2022
  • 105 Time View

সভ্য সমাজৰ মানুহবোৰক ধিক্কাৰ দিব কোনে৷ অন্ধ সমাজক ধিক্কাৰ দি লাভ হ’ব জানো৷ মানুহ অদূৰদৰ্শি হৈছে? যাৰ বাবে প্ৰকৃতিৰ জামাদাৰ ৰূপে পৰিচিত শগুণে হাহাকাৰ কৰি থকাৰ পিছতো মানুহবোৰ সজাগ নহ’ল৷ মানৱ সমাজৰ বন্ধু শগুণ নামৰ প্ৰজাতিয়ে অসমত হাহাকাৰ কৰিছে৷ এটা প্ৰজাতিৰ বিলুপ্তি ঘটিব ধৰাৰ সময়তো অসমৰ মানুহে শগুণ সংৰক্ষণৰ বাবে জন আন্দোলন গঢ়ি তুলিব নোৱাৰিলে৷ সভ্যসমাজ চিন্তিত নহ’ল৷

যাৰ ফৰল স্বৰূপে হ’ল কি? প্ৰকৃতিৰ জামাদাৰক সংৰক্ষণ কৰিব নোৱাৰা এইখন সমাজৰ চকুৰ সন্মুখতে এটা প্ৰজাতি বিলুপ্ত হৈ পৰিল৷ কিন্তু সমাজ সজাগ-সচেতন নহ’ল৷ দক্ষিণ কামৰূপত প্ৰকৃতিৰ জামাদাৰৰ অপমৃত্যুৰ খবৰক বহু লোকে সহজে ল’ব পৰা নাই৷ বিশেষ ছয়গাঁৱৰ মিলনপুৰত এশৰো অধিক হিমালয়াণ প্ৰজাতিৰ শগুণৰ মৃত্যু হোৱাৰ পিছতে এই ধাৰা অব্যাহত আছে৷ শগুণৰ অস্বাভাৱিক মৃত্যুৰ ঘটনাই চাঞ্চল্যৰ সৃষ্টি কৰিছে৷ শগুণৰ অস্বাভাৱিক মৃত্যুৰ পিছতো কেৱল পৰিস্থিতিৰ বুজ লৈয়ে দায়িত্ব সামৰিছে বন প্ৰাধিকাৰী বিষয়া, বন বিভাগ কিম্বা প্ৰকৃতিপ্ৰেমি সংস্থাই৷ প্ৰকৃতিৰ জামাদাৰক সংৰক্ষণ কৰিবলৈ বিশেষ ব্যৱস্থা কোনো পক্ষই ন’ললে৷ ছয়গাঁও এলেকাত বিগত কেইটামান দিনত প্ৰকৃতিৰ জামাদাৰ খ্যাত বহু শগুণৰ মৃত্যু হৈছে৷ বিষাক্ত খাদ্য ভক্ষণৰ ফলত শগুণৰ মৃত্যুৰ আশংকা কৰি অহা হৈছে৷ কামৰূপৰ শগুণৰ নিধন যজ্ঞ অব্যাহত থকাত বিভিন্ন লোকে সামাজিক মাধ্যমত প্ৰশ্ন তুলিছে৷ চৰকাৰ, সমাজ, প্ৰশাসন, প্ৰকৃতিপ্ৰেমি সংস্থাই একো নকৰিলে৷

শগুণে জীয়াই থাকি পৃথিৱীখন পৰিস্কাৰ কৰি ৰাখিব খোজে৷ কিন্তু মানুহে জীয়াই থাকিব নিদিলে৷ পুনঃ শগুণৰ মৃত্যু হৈছে অধম মানৱৰ হাতত। দক্ষিণ কামৰূপৰ বৰিহাট অঞ্চলৰ নিৰলপুৰ গাঁৱত ১৪ এপ্ৰিলত খাদ্যৰ বিষক্ৰিয়াৰ পুনৰ ফলত ২৪টা শগুণৰ মৃত্যু হৈছে৷ আন ১২টা শগুণ বনবিভাগৰ সহযোগত ৰাণী শগুন সংৰক্ষণ প্ৰজনন কেন্দ্ৰলৈ চিকিৎসাৰ বাবে নিয়া হৈছে।

বিগত ৩ মাৰ্চত ছয়গাঁও মিলনপুৰ অঞ্চলত এশটা শগুণ আৰু এটা ষ্টেপ্পী ঈগলৰ মৃত্যু হৈছিল। উক্ত ঘটনাত বিষাক্ত কাৰ্বফুৰাণ ব্যৱহাৰ কৰা বুলি প্ৰমাণিত হৈছে। ইয়াৰ পিছত পুনৰ ৯ এপ্ৰিলত ৰাণী অঞ্চলত ১০টা শগুনৰ বিষক্ৰিয়াত আক্ৰান্ত হৈ য’ত ৩টা শগুণৰ মৃত্যু হৈছিল আৰু ৭টা সংকটজনক অৱস্থাত উদ্ধাৰ কৰা হৈছিল। ১৪ এপ্ৰিলত আকৌ ৰাণী বন বিষয়াৰ কাৰ্যালয়ৰ অন্তৰ্গত বৰিহাট অঞ্চলৰ নিৰলপুৰত ৩৬টা শগুণৰ বিষক্ৰিয়া হয়। ইতিমধ্যে ২৪টা শগুনৰ মৃত্যু হৈছে আৰু ১২টা শগুণ ৰাণী শগুণ সংৰক্ষণ প্ৰজনন কেন্দ্ৰ, বনবিভাগ আৰু স্থানীয় ৰাইজৰ সহযোগত উদ্ধাৰ কৰা হৈছে। এই ধৰণৰ ঘটনাবোৰে মানৱ সমাজক লজ্জিত নকৰা হৈছে৷ জীৱশ্ৰেষ্ঠ বুলি ফিতাহী মাৰি ফুৰাৰ অধিকাৰ আছে নে?

মানুহৰ অদূৰদৰ্শিতাই এটা প্ৰজাতিক কিদৰে বিলুপ্তিৰ মুখলৈ ঠেলি দিব পাৰে তাৰ এটা অন্যতম উদাহৰণ হ’ল শগুণ। মাত্ৰ দুই দশক আগলৈ ভাৰতত প্ৰায় ৪০ নিযুত শগুণ আছিল। কিন্তু বৰ্তমান এই সংখ্যা কমি আহি প্ৰায় ৬০,০০০ পাইছেহি আৰু ই দিনে দিনে ভয়ানক হাৰত হ্ৰাস পাইহে আহি আছে। ১৯৯৬-২০০৬ এই সময়চোৱা ভিতৰতেই শগুণৰ সংখ্যা ৯৭ শতাংশ হ্ৰাস হৈছে। ইতিমধ্যেই আটাইতকৈ খৰকতীয়াকৈ সংখ্যা হ্ৰাস পোৱা প্ৰজাতিৰূপে পৰিগণিত হোৱা এই পৰিঘটনাটোক Asian Vulture Population Crash জনাজাত হৈছে।

প্ৰকৃতিৰ জামাদাৰৰূপে পৰিচিত এই প্ৰজাতিটোৰ এনে বিপদজনক সংখ্যা-হ্ৰাসৰ কথা পোন-প্ৰথমবাৰৰ বাবে পোহৰলৈ আহিছিল ১৯৯৭ চনত৷ মুম্বাই নেচাৰেল হিষ্ট্ৰি চছাইটিৰ এটা দলে ৰাজস্থানৰ কেওলাদেও ঘানা ৰাষ্ট্ৰীয় উদ্যানৰ শগুণৰ জাকৰ অস্বাভাৱিকভাৱে মৃত্যু হোৱাৰ পিছতে গৱেষণা কৰাৰ পিছতে ওলাই অহা তথ্য মতে, ২০০০-২০০৭ চনৰ ভিতৰত বগা পৃষ্ঠৰ শগুণৰ সংখ্যা বছৰি প্ৰায় ৪৩.৯ শতাংশ হাৰত কমি আহিছিল। ১৯৯২ চনৰ কেইবালাখো বগা পৃষ্ঠৰ শগুণৰ সংখ্যা ১১ বছৰৰ ভিতৰত কমি গৈ ১১,০০০ ৰ সীমা চুইছিল। তেনেদৰেই দীঘল ঠোঁটৰ শগুণৰ সংখ্যা ১৫ লাখৰ পৰা ৪৫,০০০ আৰু লাহী ঠোঁটৰ শগুণৰ সংখ্যা ৩৩,০০০ ৰ পৰা ১০০০ হৈছিলগৈ ২০০৯ চনলৈ। এই দুটা প্ৰজাতিৰ সংখ্যাৰ প্ৰায় ৯৭ শতাংশ হ্ৰাস হৈছিল এই সময়ছোৱাৰ ভিতৰত।

🔹 বাতৰিটো ভাল পালে শ্বেয়াৰ কৰক

◼️ তলৰ বাতৰিসমূহো পঢ়িব পাৰে